ഇരിങ്ങാലക്കുടയിലെ പത്രപ്രവർത്തകരുടെ കൂട്ടായ്മ്മയായ പ്രസ്സ് ക്ലബ്ബ് നവീകരണം പൂർത്തിയാക്കി ഉദ്ഘാടനം ചെയ്തു

ഇരിങ്ങാലക്കുട : ഇരിങ്ങാലക്കുടയിലെ പത്രപ്രവർത്തകരുടെ കൂട്ടായ്മ്മയായ പ്രസ്സ് ക്ലബ്ബ് നവീകരണം പൂർത്തിയാക്കി ഉദ്ഘാടനം ചെയ്തു. ഐ.സി.എൽ ഫിൻകോർപ്പിൻ്റെ സ്പോൺസർഷിപ്പിലാണ് പ്രസ്സ് ക്ലബ്ബ് നവീകരണം പൂർത്തികരിച്ചത്.

36 വർഷത്തെ പാരമ്പര്യമുള്ള ഇരിങ്ങാലക്കുട പ്രസ്സ് ക്ലബ്ബ് നവീകരണം പൂർത്തിയാക്കി പുത്തൻ മുഖഛായയോടെ പ്രവർത്തന രംഗത്തെ സേവനം തുടരുന്നു. 18 അംഗങ്ങളോടെ 1989 ൽ പ്രവർത്തനം ആരംഭിച്ച ഇരിങ്ങാലക്കുടയിലെ പ്രദേശിക പ്രത്രപ്രവർത്തകരുടെ കുട്ടായ്മ്മ നഗരസഭ അനുവദിച്ച് തന്ന ഠാണാവിലെ ചെറിയ മുറിയിൽ നിന്നാണ് പ്രവർത്തിച്ചിരുന്നത്. പിന്നിട് ആണ് ബസ് സ്റ്റാൻഡിൽ നഗരസഭയുടെ തന്നെ കെട്ടിടത്തിലേയ്ക്ക് മാറുന്നതും കാലാനുസൃതമായി അംഗങ്ങളുടെ എണ്ണത്തിൽ വർദ്ധനവ് വരുന്നതും 29 ൽ എത്തിയതും.

നവികരണം പൂർത്തികരിച്ച പ്രസ്സ് ക്ലബ്ബിൻ്റെ ഉദ്ഘാടനം ഐ സി എൽ ഫിൻകോർപ് സി എം ഡി അഡ്വ. കെ ജി അനിൽകുമാർ നിർവഹിച്ചു. പ്രസ്സ് ക്ലബ് പ്രസിഡൻ്റ് ഷോബി കെ പോൾ അദ്ധ്യക്ഷത വഹിച്ച ചടങ്ങിൽ സെക്രട്ടറി അജ്ഞുമോൻ വെള്ളാനിക്കാരൻ റിപോർട്ട് അവതരിപ്പിച്ചു.

ഇരിങ്ങാലക്കുടയിലെ മാധ്യമ പ്രവർത്തകരുടെ വിവരങ്ങൾ എല്ലാം വിരൽ തുമ്പിലേയ്ക്ക് എത്തിക്കുന്ന തരത്തിൽ നവീകരിച്ച വെബ് സൈറ്റ് ഉദ്ഘാടനം ഇരിങ്ങാലക്കുട നഗരസഭാ ചെയർപേഴ്സൺ മേരിക്കുട്ടി ജോയ് നിർവഹിച്ചു. എം പി ജാക്സൺ മുഖ്യാതിഥിയായി പങ്കെടുത്തു.

നഗരസഭ വൈസ് ചെയർമാൻ ബൈജു കുറ്റിക്കാടൻ ഐഡി കാർഡ് വിതരണം എക്സിക്യൂട്ടിവ് അംഗം മൂലയിൽ വിജയകുമാറിന് നൽകിയും മീഡിയ ലിസ്റ്റ് ട്രഷറർ രാകേഷിന് നൽകിയും നിർവഹിച്ചു.

ആശാ സുരേഷിന്റെ പ്രാത്ഥനയുടെയാണ് ചടങ്ങുകൾ ആരംഭിച്ചത്. രാഷ്ട്രീയ സാംസ്കാരികമായ സമൂഹത്തിൻ്റെ വിവിധ മേഖലകളിൽ നിന്നുള്ളവരുടെ വിശിഷ്ട സാന്നിധ്യം ഉദ്ഘാടന ചടങ്ങിൽ ഉണ്ടായിരുന്നു.

വൈസ് പ്രസിഡൻ്റ് ടി.ജി സിബിൻ പ്രസ്സ് ക്ലബ്ബിൻ്റെ സ്നേഹാദരം ഐ സി എൽ ഫിൻകോർപ് എം ഡി കെ ജി അനിൽകുമാറിന് സമ്മാനിച്ചു. പണികൾ ഏറ്റെടുത്തു നള രീതിയിൽ പൂർത്തിയാക്കിയ ഫ്ലോറിൽ ഇന്റീരിയർ ഉടമ സേവ്യറിനെയും ചടങ്ങിൽ ഉപഹാരം നൽകി ആദരിച്ചു

ജനറൽ കൺവീനർ ഷാജൻ ചക്കാലയ്ക്കൽ സ്വാഗതവും എക്സിക്യൂട്ടിവ് അംഗം വി ആർ സുകുമാരൻ നന്ദിയും പറഞ്ഞു.