എൻ.എസ്.എസ് ദിനാഘോഷം : സെൻ്റ്. ജോസഫ്സിൽ പുഞ്ചിരി കോർണർ ഉദ്ഘാടനം ചെയ്തു

ഇരിങ്ങാലക്കുട : എൻ.എസ്.എസ് ദിനാഘോഷത്തിൻ്റെ ഭാഗമായി ഇരിങ്ങാലക്കുട സെൻ്റ്.ജോസഫ്സ് (ഓട്ടോണമസ് ) കോളേജിലെ അമ്പത്, നൂറ്റി അറുപത്തിയേഴ് എൻ.എസ്.എസ്. കൂട്ടായ്മകളുടെ നേതൃത്വത്തിൽ കോളേജിൽ പുഞ്ചിരി കോർണർ ആരംഭിച്ചു.

ലോകം മുഴുവൻ പുഞ്ചിരിക്കാൻ മറക്കുന്ന ഈ കാലഘട്ടത്തിൽ പരസ്പരസ്നേഹത്തിൻ്റെയും മാനസികോല്ലാസത്തിൻ്റെയും പ്രതീകമാണ് പുഞ്ചിരി കോർണർ എന്ന് ഉദ്ഘാടനം ചെയ്തുകൊണ്ട് പ്രിൻസിപ്പൽ ഡോ.സിസ്റ്റർ ബ്ലെസി അഭിപ്രായപ്പെട്ടു. എൻ.എസ്.എസ്.പ്രോഗ്രാം ഓഫീസർമാരായ വീണ സാനി, ഉർസുല എൻ, അധ്യാപകരായ മഞ്ജു ഡി, ധന്യ കെ. ഡി എന്നിവർ പരിപാടികൾക്ക് നേതൃത്വം കൊടുത്തു.