‘ഊരുഭംഗം’ കൂടിയാട്ടത്തിലെ ദുര്യോധനൻ ത്രിപുടിയുടെ ആഭിമുഖ്യത്തിൽ കൊച്ചിയിൽ അരങ്ങിലെത്തുന്നു

ഇരിങ്ങാലക്കുട : ഗുരു ജി. വേണു സംവിധാനം ചെയ്ത ‘ഊരുഭംഗം’ കൂടിയാട്ടത്തിലെ ദുര്യോധനനെ ഏകാംഗാഭിനയപ്രകടനമായി കൊച്ചിയിൽ അവതരിപ്പിക്കുന്നു.

പ്രശസ്ത കൂടിയാട്ട കലാകാരൻ സൂരജ് നമ്പ്യാരാണ്, നടനകൈരളിയിൽ ചിട്ടപ്പെടുത്തിയ ‘ഊരുഭംഗ’ത്തിലെ ദുര്യോധനനെ ആദ്യമായി ഏകാംഗാഭിനയരൂപത്തിൽ അരങ്ങിലെത്തിക്കുന്നത്. ആഗസ്റ്റ് 24 ഞായറാഴ്ച വൈകിട്ട് 7 മണിക്ക്, എറണാകുളം പാലാരിവട്ടത്തെ നോർത്ത് ജനതാ റോഡിലുള്ള (സ്റ്റേഡിയം മെട്റോ സ്റ്റേഷൻ) സ്റ്റുഡിയോ ഫോൺ ടിയേരയിലാണ് ഈ രംഗാവതരണം നടക്കുക.

ത്രിപുടിയുടെ ആഭിമുഖ്യത്തിൽ സംഘടിപ്പിക്കുന്ന അവതരണത്തിൽ കലാമണ്ഡലം രാജീവ് , കലാമണ്ഡലം വിജയ് എന്നിവർ മിഴാവിൽ പിന്തുണയേകും. കലാമണ്ഡലം വൈശാഖാണ് ചമയം നിർവഹിക്കുന്നത്.

പരിമിതമായ ഇരിപ്പിട സൗകര്യമായതിനാൽ പ്രവേശനം പാസ്സ് മൂലം നിയന്ത്രിച്ചിരിക്കുന്നു. പാസുകൾ ലഭിക്കാനും, കൂടുതൽ വിവരങ്ങൾക്കുമായി 9633409166, 8075413321 എന്നീ വാട്സ്ആപ് നമ്പറുകളിൽ ബന്ധപ്പെടണമെന്ന് സംഘാടകർ അറിയിച്ചു.