വയനാടിനായ് ഭക്ഷ്യമേളയിലൂടെ സമാഹരിച്ച തുക മന്ത്രി ഡോ. ആർ ബിന്ദുവിന് കൈമാറി ഇരിങ്ങാലക്കുട ഗവ. മോഡൽ ബോയ്സ് വി.എച്ച്.എസ്.ഇ വിഭാഗം എൻ.എസ്.എസ് യൂണിറ്റ്

ഇരിങ്ങാലക്കുട : കലോത്സവദിനത്തിൽ ഭക്ഷ്യമേള സംഘടിപ്പിച്ചും സ്പോർട്സ് ദിനത്തിൽ ഐസ്ക്രീം സ്റ്റാൾ നടത്തിയും ഇരിങ്ങാലക്കുട ഗവ. മോഡൽ ബോയ്സ് വി.എച്ച്.എസ്.ഇ വിഭാഗം എൻ.എസ്.എസ് യൂണിറ്റ് വൊളൻ്റിയേഴ്സ് വയനാടിൻ്റെ പുനരധിവാസത്തിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകാൻ സ്വരൂപിച്ച 5001 രൂപയുടെ ചെക്ക് ഉന്നത വിദ്യാഭ്യാസ മന്ത്രി ഡോ. ആർ ബിന്ദുവിന് കുട്ടികൾ കൈമാറി.

പി ടി എ പ്രസിഡൻ്റ് ബിനോയ് വി ആർ, പ്രിൻസിപ്പാൾ രാജലക്ഷ്മി. ആർ, ഹയർ സെക്കണ്ടറി പ്രിൻസിപ്പാൾ മുരളി എം. കെ , പ്രധാന അധ്യാപിക ലത ടി.കെ എൻ എസ് എസ് പ്രോഗ്രാം ഓഫീസർ ലസീദ എം.എ, വൊളൻ്റിയർ ലീഡർമാരായ അനന്യ എം.എസ് , ജോസഫ് മാളിയേക്കൽ എന്നിവർ ചടങ്ങിൽ സന്നിഹിതരായിരുന്നു.