പട്ടണത്തിലെ റോഡുകളുടെ ശോചനീയാവസ്ഥയ്ക്കെതിരായി സിപി ഐ ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തിൽ നഗരസഭയിലേക്ക് പ്രതിഷേധ മാർച്ച് സംഘടിപ്പിച്ചു

ഇരിങ്ങാലക്കുട : ഇരിങ്ങാലക്കുട പട്ടണത്തിലെ റോഡുകളുടെ ശോചനീയാവസ്ഥയ്ക്കെതിരായി സിപി ഐ ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തിൽ നടന്ന മാർച്ച് സിപിഐ ജില്ലാ എക്സിക്യൂട്ടീവ് അംഗം ടി.കെ സുധീഷ് ഉദ്ഘാടനം ചെയ്തു.

സി പി ഐ മണ്ഡലം സെക്രട്ടറി പി. മണി അദ്ധ്യക്ഷത വഹിച്ചു. സി പി ഐ ജില്ലാ കൗൺസിൽ അംഗം അനിത രാധാകൃഷ്ണൻ, മണ്ഡലം സെക്രട്ടറിയേറ്റ് അംഗങ്ങളായ എം.ബി ലത്തീഫ്,എ ജെ ബേബി എന്നിവർ സംസാരിച്ചു. സി പി ഐ മണ്ഡലം അസി:സെക്രട്ടറി എൻ.കെ ഉദയപ്രകാശ് സ്വാഗതവും ടൗൺ ലോക്കൽ സെക്രട്ടറി കെ.എസ് പ്രസാദ് നന്ദിയും പറഞ്ഞു.വി ആർ രമേഷ്, പി.ആർ രാജൻ, ഇ.ജി നെജിൽ എന്നിവർ മാർച്ചിന്  നേതൃത്വം നൽകി.