ഡാനിഷ് ചിത്രം ” ഹോളി സ്പൈഡർ ” ഇരിങ്ങാലക്കുട ഫിലിം സൊസൈറ്റി ഫെബ്രുവരി 28 വെള്ളിയാഴ്ച സ്ക്രീൻ ചെയ്യുന്നു

ചലച്ചിത്രം : 2022 ലെ കാൻ ഫിലിം ഫെസ്റ്റിവലിൽ മികച്ച നടിക്കുള്ള പുരസ്കാരം നേടിയ ഡാനിഷ് ചിത്രം ” ഹോളി സ്പൈഡർ ” ഇരിങ്ങാലക്കുട ഫിലിം സൊസൈറ്റി ഫെബ്രുവരി 28 വെള്ളിയാഴ്ച സ്ക്രീൻ ചെയ്യുന്നു. ഇറാനിയൻ വിശുദ്ധ നഗരമായ മാഷ്ഹാദിൽ 2000 നും 2001 നുമിടയിൽ ലഹരിക്ക് അടിമകളായ 16 തെരുവുവേശ്യകളെ വധിച്ച സീരിയൽ കില്ലറെ ക്കുറിച്ച് അന്വേഷിക്കാൻ എത്തുന്ന പത്രപ്രവർത്തകയാണ് ചിത്രത്തിലെ പ്രധാന കഥാപാത്രം.

ചിത്രത്തിന് ലഭിച്ച കാൻ അവാർഡിനെ രാഷ്ട്രീയ പ്രേരിതമെന്ന് ഇറാനിയൻ സർക്കാർ വിമർശിച്ചിരുന്നു. ഇരുനൂറിലേറെ വധഭീഷണികൾ തനിക്ക് ലഭിച്ചതായി പത്രപ്രവർത്തകയായി വേഷമിട്ട അമീർ ഇബ്രാഹിം വെളിപ്പെടുത്തിയിരുന്നു. മികച്ച വിദേശ ഭാഷ ചിത്രത്തിനുള്ള 95 – മത് അക്കാദമി അവാർഡിനായി ചിത്രം തിരഞ്ഞെടുക്കപ്പെട്ടിരുന്നു. 117 മിനിറ്റുള്ള ചിത്രത്തിൻ്റെ പ്രദർശനം വൈകീട്ട് 6 ന് ക്രൈസ്റ്റ് കോളേജ് ജംഗ്ഷനിലെ ഓർമ്മ ഹാളിൽ.