അന്താരാഷ്ട്ര അവയവദിനാചരണം സംഘടിപ്പിച്ചു

കാറളം : കാറളം വൊക്കേഷണൽ ഹയർ സെക്കന്ററി സ്കൂളിലെ വി.എച്ച്.എസ്.എസ്. വിഭാഗം എൻ.എസ്.എസ്. യൂണിറ്റ് അന്താരാഷ്ട്ര അവയവദിനാചരണം സംഘടിപ്പിച്ചു. സാമൂഹ്യപ്രവർത്തകയും വൃക്കദാതാവുമായ ഡോ. സിസ്റ്റർ റോസ് ആന്റോ വിദ്യാർത്ഥികൾക്കായി അവയവദാനത്തിന്റെ പ്രാധാന്യത്തെക്കുറിച്ചും ശരീരസംരക്ഷണത്തിന്റെ ആവശ്യകതയെക്കുറിച്ചും ബോധവൽക്കരണ ക്ലാസ് നടത്തി.

ജീവിതത്തെ പോസിറ്റീവായി സമീപിക്കുന്നതിന്റെയും ജയ-പരാജയങ്ങളെ ആത്മവിശ്വാസത്തോടെ നേരിടുന്നതിന്റെയും ആവശ്യകതയെക്കുറിച്ചും സിസ്റ്റർ വിദ്യാർത്ഥികളുമായി സംവദിച്ചു. വിദ്യാർത്ഥികൾക്ക് വിജ്ഞാനപരവും പ്രചോദനപരവുമായ അനുഭവമായി ഈ ക്ലാസ് മാറി. ഒന്നാം വർഷ വൊളന്റിയർ ശിവനന്ദു ചടങ്ങിൽ നന്ദി പറഞ്ഞു.

പരിപാടിക്ക് വി.എച്ച്.എസ്.എസ്. വിഭാഗം പ്രിൻസിപ്പൽ വീണ ജെ.എസ്., എൻ.എസ്.എസ്. കോർഡിനേറ്റർ മായ ദേവി സി.പി. എന്നിവർ നേതൃത്വം നൽകി. എല്ലാ അദ്ധ്യാപകരും പരിപാടിയിൽ പങ്കു കൊണ്ടു.