കൂടിയാട്ട മഹോത്സവത്തിൽ കല്യാണസൗഗന്ധികം

ഇരിങ്ങാലക്കുട : അമ്മന്നൂർ ഗുരുകുലത്തിൻ്റെ കൂടിയാട്ട മഹോത്സവത്തിൻ്റെ പത്താം ദിവസമായ ശനിയാഴ്ച കല്യാണസൗഗന്ധികത്തിൻ്റെ ഒന്നാം ദിവസത്തെ കൂടിയാട്ടം അരങ്ങേറും.

സൗഗന്ധികപുഷ്പം അന്വേഷിച്ച് ഭീമസേനൻ വൈശ്രവണൻ്റെ ഉദ്യാനത്തിൽ എത്തുകയും അവിടെ ഒരു സരസ്സിൽ പുഷ്പം കണ്ട് അത് പറിച്ച് എടുക്കുകയും ചെയ്യുന്നു. തടയാൻ വന്ന ക്രോധവശൻ എന്ന രക്ഷസനുമായി യുദ്ധം ചെയ്ത് തോൽപ്പിച്ച് ഓടിക്കുന്നതുമാണ് ഒന്നാം ദിവസത്തെ കഥാഭാഗം. ഭീമതായി ഡോ. അമ്മന്നൂർ രജനീഷ് ചാക്യാരും ക്രോധവശനായി ഗുരുകുലം കൃഷ്ണദേവും രംഗത്തെത്തും.

വെള്ളിയാഴ്ച നടന്ന കല്യാണസൗഗന്ധികം നിർവ്വഹണത്തിൽ അമ്മന്നൂർ മാധവ് ചാക്യാർ ഭീമനായി രംഗത്തെത്തി മിഴാവിൽ കലാമണ്ഡലം ഹരിഹരൻ കലാമണ്ഡലം രാഹുൽ ടി.എസ്. കലാമണ്ഡലം അഭിഷേക് ഇടക്കയിൽ കലാനിലയം ഉണ്ണികൃഷ്ണൻ, മൂർക്കനാട് ദിനേശ് വാര്യർ താളം സരിത കൃഷ്ണകുമാർ, ഡോ. ഭദ്ര പി.കെ.എം. ഗുരുകുലം ഗോപിക,ഗുരുകുലം അക്ഷരചമയം കലാനിലയം ഹരിദാസ് എന്നിവർ പങ്കെടുത്തു.