ഭാരതീയ വിദ്യാഭവനിൽ കായികമേളയ്ക്ക് തുടക്കമായി

ഇരിങ്ങാലക്കുട : ഭാരതീയ വിദ്യാഭവനിൽ ‘സ്പോർട്സ് മീറ്റ് 2024’ യ്ക്ക് ദീപശിഖ തെളിഞ്ഞു. രാവിലെ നടന്ന ഉദ്ഘാടന ചടങ്ങിൽ ക്രൈസ്റ്റ് കോളേജ് ഫിസിക്കൽ എജുക്കേഷൻ വിഭാഗം അസിസ്റ്റന്റ് പ്രൊഫസറും തൃശ്ശൂർ ജില്ലാ ‘ഖൊ- ഖൊ’ അസോസിയേഷൻ വൈസ് പ്രസിഡന്റുമായ ജാവിയോ ജോസ് എം മുഖ്യാതിഥിയായിരുന്നു. അദ്ദേഹം മാർച്ച് പാസ്റ്റിൽ സല്യൂട്ട് സ്വീകരിക്കുകയും പതാക ഉയർത്തി മേള ഉദ്ഘാടനം ചെയ്യുകയും ചെയ്തു.

സ്കൂൾ ചെയർമാൻ സി സുരേന്ദ്രൻ, വൈസ് ചെയർമാൻ സി നന്ദകുമാർ, സെക്രട്ടറി വി രാജൻ, മാനേജ്മെന്റ് കമ്മിറ്റി അംഗങ്ങളായ അപ്പുക്കുട്ടൻ നായർ, വിവേകാനന്ദൻ, പ്രിൻസിപ്പൽ ബിജു ഗീവർഗീസ്, വൈസ് പ്രിൻസിപ്പൽ ശോഭ ശിവാനന്ദരാജൻ, പിടിഎ പ്രസിഡന്റ്‌ ജീന ബൈജു എന്നിവർ ഉദ്ഘാടന സമ്മേളനത്തിൽ സന്നിഹിതരായിരുന്നു.

വിവിധ ഹൗസുകളുടെ ആവേശോജ്ജ്വലമായ മാർച്ച് പാസ്ററ്, ദീപശിഖാപ്രയാണം, കായിക പ്രതിജ്ഞയെടുക്കൽ, എയ്റോബിക് ഡാൻസ് തുടങ്ങിയ പരിപാടികളും ഉണ്ടായിരുന്നു. രണ്ടു ദിവസങ്ങളിലായി നടക്കുന്ന കായിക മേളയിൽ വിവിധ ഇനങ്ങളിലായി കായികപ്രതിഭകൾ മാറ്റുരയ്ക്കും.

കായികാധ്യാപകരായ റോസ്‌മി, സലീഷ്, ശ്യാം, സ്പോർട്സ് മീറ്റ് കോഡിനേറ്റർ അഞ്ജു, നിഷ എന്നിവർ മത്സരങ്ങൾക്ക് നേതൃത്വം നൽകി.