തൃശ്ശൂർ സെൻട്രൽ സഹോദയ ജില്ലാ കലോത്സവത്തിൽ തിളക്കമാർന്ന വിജയം നേടി ഇരിങ്ങാലക്കുടിയിലെ സഹോദരിമാർ

ഇരിങ്ങാലക്കുട : തൃശ്ശൂർ സെൻട്രൽ സഹോദയ ജില്ലാ കലോത്സവത്തിൽ ശാസ്ത്രീയ സംഗീതത്തിൽ ഒന്നാം സ്ഥാനം കരസ്ഥമാക്കി സഹോദരിമാരായ ഭദ്രവാര്യരും ലക്ഷ്മി വാര്യരും. ഭദ്ര വാര്യർ കാറ്റഗറി നാലിലും ലക്ഷ്മി വാര്യർ കാറ്റഗറി മൂന്നിലും ആണ് മത്സരിച്ചത്. കഴിഞ്ഞ മൂന്നു വർഷമായി സഹോദയ ജില്ലാ കലോത്സവത്തിൽ ശാസ്ത്രീയ സംഗീതത്തിൽ ഒന്നാം സ്ഥാനം നിലനിർത്തി വരുകയാണ് ഭദ്ര.

ഇരിങ്ങാലക്കുട ശാന്തിനികേതൻ പബ്ലിക് സ്കൂളിലെ വിദ്യാർഥികളാണ് രണ്ടുപേരും. ഇരിങ്ങാലക്കുട വരവീണ സ്കൂൾ ഓഫ് മ്യൂസിക്കിൽ സംഗീതഅഭ്യാസം നടത്തുന്ന ഇവർ യഥാക്രമം ശാന്തള രാജു, വിഷ്ണുപ്രഭ എന്നിവരുടെ ശിഷ്യരാണ്. കൺസൾട്ടിംഗ് എൻജിനീയർ ഹരി വാര്യരുടെയും ശാന്തിനികേതൻ സ്കൂളിലെ അധ്യാപിക ദിവ്യയുടെയും മക്കളാണ് ഇരുവരും.

മുൻ വർഷങ്ങളിൽ സംസ്ഥാനതലത്തിലും ശാസ്ത്രീയ സംഗീതം മലയാള കവിതാരചന സംസ്കൃത പദ്യപാരായണം എന്നീ ഇനങ്ങളിൽ സമ്മാനങ്ങൾ നേടിയിട്ടുണ്ട്. ഇത്തവണ മലയാള കവിതാരചനയിൽ ഒന്നാം സ്ഥാനവും മലയാള കവിതാലാപനത്തിൽ രണ്ടാം സ്ഥാനവും ഭദ്രയ്ക്ക് ലഭിച്ചിട്ടുണ്ട്.