നിവേദനം ചവറു കൂനയിൽ കണ്ടെത്തിയ സംഭവം – ഇരിങ്ങാലക്കുടയിൽ മന്ത്രിയുടെ കോലം കത്തിച്ച് കോൺഗ്രസ്സ് പ്രതിഷേധം

ഇരിങ്ങാലക്കുട : ഉന്നത വിദ്യാഭ്യാസ മന്ത്രിക്ക് നൽകിയ നിവേദനം ചവറു കൂനയിൽ കണ്ടെത്തിയ സംഭവത്തിൽ പ്രതിഷേധിച്ച് ഇന്ത്യൻ നാഷണൽ കോൺഗ്രസ്സ് ഇരിങ്ങാലക്കുട മണ്ഡലത്തിന്റേയും പൊറത്തുശ്ശേരി മണ്ഡലത്തിന്റേയും നേതൃത്വത്തിൽ ഇരിങ്ങാലക്കുട രാജീവ് ഗാന്ധി മന്ദിരത്തിൽ നിന്നും ഠാണാവിലേക്ക് പ്രതിഷേധ പ്രകടനം നടത്തുകയും മന്ത്രിയുടെ കോലം കത്തിക്കുകയും ചെയ്തു.

കോൺഗ്രസ് ബ്ലോക്ക് പ്രസിഡണ്ട് സോമൻ ചിറ്റത്ത് ഉദ്ഘാടനം ചെയ്ത യോഗത്തിൽ ഇരിങ്ങാലക്കുട മണ്ഡലം പ്രസിഡന്റ് അബ്ദുൽ ഹഖ് മാസ്റ്റർ അധ്യക്ഷത വഹിച്ചു. പൊറത്തിശ്ശേരി മണ്ഡലം പ്രസിഡന്റ് ഭാസി പി കെ, ഇരിങ്ങാലക്കുട നഗരസഭാ ചെയർപേഴ്സൺ മേരിക്കുട്ടി ജോയ് മുൻ ബ്ലോക്ക് പ്രസിഡണ്ട് ടി.വി ചാർലി മണ്ഡലം ഭാരവാഹികളായ സിജു യോഹന്നാൻ എ സി സുരേഷ്, ബ്ലോക്ക് ഭാരവാഹികളായ എം ആർ ഷാജു,സുജ സഞ്ജീവ് കുമാർ, അഡ്വ. സിജു പാറേക്കാടൻ, കൗൺസിലർമാരായ ജയ്സൺ പാറക്കാടൻ, അവിനാശ്, ബിജു പോൾ അക്കരക്കാരൻ, ജസ്റ്റിൻ ജോൺ, അജിത് കുമാർ, സനൽ കല്ലൂക്കാരൻ, ജോമോൻ മണാത്, ബാബു എന്നിവർ നേതൃത്വം നൽകി.