കൂടൽമാണിക്യം തിരുവുത്സവത്തിന്റെ ഭാഗമായ കലവറ നിറക്കൽ ശനിയാഴ്ച രാവിലെ 9 മണിക്ക് കിഴക്കേ നടപ്പുരയിൽ

ഇരിങ്ങാലക്കുട : ശ്രീ കൂടൽമാണിക്യം ക്ഷേത്രത്തിലെ തിരുവുത്സവത്തിന്റെ ഭാഗമായ കലവറ നിറക്കൽ ഏപ്രിൽ 25 ശനിയാഴ്ച രാവിലെ 9 മണിക്ക് കിഴക്കേ നടപ്പുരയിൽ ആരംഭിക്കുന്നതാണ്. ഭക്തജനങ്ങൾക്ക് എണ്ണ, നെയ്യ് ,നാളികേരം ,ശർക്കര, അരി ,പലവ്യഞ്ജനങ്ങൾ , പച്ചക്കറികൾ എന്നിവ സമർപ്പിക്കാവുന്നതാണ് എന്ന് ദേവസ്വം ചെയർമാൻ അറിയിച്ചു. ഏപ്രിൽ 28 മുതൽ മെയ് 8 വരെയാണ് ഉത്സവം.