‘കുരുവിക്ക് ഒരു കൂട് ‘ പദ്ധതിക്ക് തുടക്കമായി

ഇരിങ്ങാലക്കുട : കേരള വനം വകുപ്പ് ചാലക്കുടി ഡിവിഷന്റെ നേതൃത്വത്തിൽ “കുരുവിക്ക് ഒരു കൂട്” പദ്ധതിക്ക് തുടക്കമായി. വേനൽക്കാലത്ത് പക്ഷികൾക്ക് ദാഹജലം നൽകുന്ന പരിപാടിയുടെ ഉദ്ഘാടനം ഇരിങ്ങാലക്കുട ഗവ. എൽ. പി. സ്കൂളിൽ നടത്തി. പ്രധാന അധ്യാപിക അസീന പി ബി ഉദ്ഘാടനം ചെയ്തു.

എ ഇ ഓ ഡോ എം.സി നിഷ മുഖ്യാതിഥിയായി. സെക്ഷൻ ഫോറസ്റ്റ് ഓഫിസർ ശോഭൻ ബാബു സ്വാഗതം പറഞ്ഞു. ബി.പി.സി കെ ആർ സത്യപാലൻ ആശംസകൾ അറിയിച്ചു. കുട്ടികൾ, അധ്യാപകർ, ബി ആർ സി സ്റ്റാഫ് എന്നിവർ പങ്കെടുത്തു. അധ്യാപിക ലുബ്ന കെ നാസർ നന്ദി പറഞ്ഞു.