നഗരസഭയുടെ ശിശുദിനാഘോഷം ഗവ. എൽ.പി സ്കൂളിലെ കുട്ടികളോടൊപ്പം മുനിസിപ്പൽ പാർക്കിൽ

ഇരിങ്ങാലക്കുട : നഗരസഭയുടെ ശിശുദിനാഘോഷം ഗവ. എൽ.പി സ്കൂളിലെ കുട്ടികളോടൊപ്പം മുനിസിപ്പൽ പാർക്കിൽ നഗരസഭ ചെയർപേഴ്സൺ മേരിക്കുട്ടി ജോയ് ഉദ്ഘാടനം ചെയ്തു. വൈസ് ചെയർമാൻ ബൈജു കുറ്റിക്കാടൻ അദ്ധ്യക്ഷത വഹിച്ച യോഗത്തിൽ മുഴുവൻ കൗൺസിലർമാരും നഗരസഭ സെക്രട്ടറി ഷാജിക്കും മറ്റ് ഉദ്യോഗസ്ഥരും പങ്കെടുത്തു. വർണ്ണാഭമായ ശിശുദിനറാലി, കുട്ടികളുടെ കലാപരിപാടികൾ, സ്വീറ്റ്സ് വിതരണം എന്നിവ നടന്നു.

വിവിധ സ്റ്റാൻഡിംഗ് കമ്മിറ്റി ചെയർമാന്മാരായ ഫെനി എബിൻ വെള്ളാനിക്കാരൻ, ജയ്സൺ പാറേക്കാടൻ, അഡ്വ. ജിഷ ജോബി, സോണിയ ഗിരി, ഹെഡ്മിസ്ട്രസ് പി.ബി അസീന, പി ടി എ പ്രസിഡണ്ട് രേവതി തുടങ്ങിയവർ നേതൃത്വം നൽകി. വാർഡ് കൗൺസിലർ ഒ. എസ് അവിനാഷ് സ്വാഗതവും നഗരസഭ സൂപ്രണ്ട് ഹസീന നന്ദിയും പറഞ്ഞു.