റസിഡൻഷ്യൽ സ്കൗട്ട് & ഗൈഡ് ക്യാമ്പ് സമാപിച്ചു

കല്ലേറ്റുംകര : കഴിഞ്ഞ മൂന്നു ദിവസമായി കല്ലേറ്റുംകര ബി.വി.എം.എച്ച്.എസ് -ൽ നടന്നു വന്ന റസിഡൻഷ്യൽ സ്കൗട്ട് & ഗൈഡ് ക്യാമ്പ് സമാപിച്ചു. മുപ്പത്തഞ്ചോളം സ്കൗട്ട് & ഗൈഡ് വിദ്യാർത്ഥികൾ ക്യാമ്പിൽ പങ്കെടുത്തു. ഏപ്രിൽ 3, 4, 5 തിയ്യതികളിലായിരുന്നു റസിഡൻഷ്യൽ ക്യാമ്പാണ് സംഘടിപ്പിച്ചത്.

സ്കൂൾ മാനേജർ വർഗീസ് പന്തല്ലൂക്കാരൻ ഉട്ഘാടനം നിർവഹിച്ചു. വാർഡ് മെമ്പർ ഓമന ജോർജ് ക്യാമ്പിന് ആശംസകൾ നേർന്നു. ദേശസ്നേഹവും സുരക്ഷയും മുന്നിൽ കണ്ട് ഒരു പൗരൻ നേടേണ്ട അവശ്യ പരിശീലനങ്ങളോടൊപ്പം അംഗീകൃത യോഗ പരിശീലകൻ നടത്തുന്ന യോഗ ക്ലാസ്സും DLSA തൃശ്ശൂർ &TLSA മുകുന്ദപുരത്തിൻ്റെ നേതൃത്വത്തിൽ റിട്ട . ഹെൽത്ത് സൂപ്പർ വൈസർ പി ആർ സ്റ്റാൻലി നയിച്ച ലഹരി ദുരുപയോഗ വിരുദ്ധ ബോധവത്കരണ ക്ലാസ്സും കൊണ്ട് ക്യാമ്പ് വ്യത്യസ്തത പുലർത്തി.

ഹെഡ്മാസ്റ്ററും സ്കൗട്ട് മാസ്റ്ററും കൂടിയായ അബ്ദുൽ ഹമീദ് എ , ഗൈഡ് ക്യാപ്റ്റൻ അൽഫോൻസ ജേക്കബ്, സ്കൗട്ട് മാസ്റ്റർ ഫെമിൽ കെ ജെയ്സൻ എന്നിവർ ക്യാമ്പിന് നേതൃത്വം നൽകി.