പടിയൂർ ഗ്രാമപഞ്ചായത്തിൽ കർഷക സഭയും ഞാറ്റുവേല ചന്തയും സംഘടിപ്പിച്ചു

പടിയൂർ : കാർഷിക വികസന കർഷക ക്ഷേമ വകുപ്പ് പടിയൂർ ഗ്രാമപഞ്ചായത്ത്, കൃഷിഭവൻ, കുടുംബശ്രീ എന്നിവയുടെ നേതൃത്വത്തിൽ പടിയൂർ ഗ്രാമപഞ്ചായത്തിൽ കർഷക സഭയും ഞാറ്റുവേല ചന്തയും സംഘടിപ്പിച്ചു. വെള്ളാങ്കല്ലൂർ ബ്ലോക്ക് പഞ്ചായത്ത്‌ പ്രസിഡന്റ് വത്സല ബാബു ഉദ്ഘാടനം നിർവഹിച്ചു. പടിയൂർ ഗ്രാമപഞ്ചായത്ത് പ്രസിഡന്റ് കെ. പി. കണ്ണൻ അധ്യക്ഷത വഹിച്ചു.

ഞാറ്റുവേല ചന്തയിൽ വെള്ളാങ്കല്ലൂർ കാർഷിക സേവന കേന്ദ്രത്തിൽ
നിന്നുമുള്ള നടീൽ വസ്തുക്കളും വളങ്ങളും, കർഷകരിൽ നിന്നും സംഭരിച്ച നടീൽ വസ്തുക്കൾ പച്ചക്കറി, പഴവർഗ്ഗങ്ങൾ, കുടുംബശ്രീ മൂല്യവർദ്ധിത ഉത്പന്നങ്ങൾ തുടങ്ങിയവയുടെ വിപണനം നടത്തി.

തൃശ്ശൂർ കൃഷി ഡെപ്യൂട്ടി ഡയറക്ടർ ഷബ്നസ് പടിയത്ത് പദ്ധതി വിശദീകരിച്ചു. ബ്ലോക്ക് പഞ്ചായത്ത് ക്ഷേമ കാര്യ സ്റ്റാൻഡിംഗ് കമ്മിറ്റി ചെയർ പേഴ്സൺ സുമാ രാമൻ ആശംസകൾ അറിയിച്ചു. പടിയൂർ ഗ്രാമപഞ്ചായത്ത് വാർഡ് മെമ്പർമാർ, സി.ഡി.എസ് ചെയർ പേഴ്സൺ അജന്ത രമേഷ്, പടിയൂർ പഞ്ചായത്ത് സെക്രട്ടറി ഷാബു പി.വി., കാർഷിക വികസന സമിതി അംഗങ്ങൾ, കർഷകർ എന്നിവർ യോഗത്തിൽ പങ്കെടുത്തു.

അഗ്രികൾച്ചറൽ ഇൻഫ്രാസ്ട്രക്ചർ ഫണ്ട്, കിസാൻ ക്രെഡിറ്റ് കാർഡ്, കാലാവസ്ഥാധിഷ്ഠിത വിള ഇൻഷുറൻസ് പദ്ധതി, കാട്ടു പന്നി നിയന്ത്രണ മാർഗ്ഗങ്ങൾ എന്നിവയെ കുറിച്ച് കർഷകർക്ക് ബോധവൽക്കരണ ക്ലാസ് നടത്തി.

കർഷക സഭയുടെ ഭാഗമായി കൃഷി വകുപ്പ്, ജനകീയാസൂത്രണ പദ്ധതികളെ കുറിച്ചുള്ള വിശദീകരണവും കർഷകരുമായി ചർച്ചയും സംഘടിപ്പിച്ചു. കൃഷി ഓഫീസർ റുബീന സി എം സ്വാഗതവും കൃഷി അസിസ്റ്റന്റ് മായ കെ കെ നന്ദിയും പറഞ്ഞു.