നീഡ്സിന്റെ നേതൃത്വത്തിൽ ലോക പരിസ്ഥിതി ദിനത്തോടനുബന്ധിച്ച് ശില്പശാല സംഘടിപ്പിച്ചു

ഇരിങ്ങാലക്കുട : ലോക പരിസ്ഥിതിദിനത്തോടനുബന്ധിച്ച് നീഡ്സിന്റെ നേതൃത്വത്തിൽ ക്രൈസ്റ്റ് വിദ്യാനികേതനിൽ ശില്പശാല സംഘടിപ്പിച്ചു മുൻ സർക്കാർ ചീഫ് വിപ് തോമസ് ഉണ്ണിയാടൻ ഉദ്‌ഘാടനം ചെയ്തു. പ്രകൃതിയെ സ്നേഹിക്കുവാനും പരിസ്ഥിതി സൗഹൃദമാക്കുവാനും ഓരോ വ്യക്തിയും ശ്രമിക്കണമെന്ന് അദ്ദേഹം പറഞ്ഞു.

ക്രൈസ്റ്റ് വിദ്യാനികേതൻ പ്രിൻസിപ്പൽ ഫാ. ജോയ് ആലപ്പാട്ട് അധ്യക്ഷത വഹിച്ചു. ചടങ്ങിൽ വൃക്ഷ തൈ വിതരണവും നടന്നു. ഡോ. എസ്. ശ്രീകുമാർ ക്ലാസ് നയിച്ചു. ഭാരവാഹികളായ പ്രൊഫ. ആർ ജയറാം, ഗുലാം മുഹമ്മദ്, കെ.പി.ദേവദാസ്, ആശാലത, എം.എൻ.തമ്പാൻ എന്നിവർ സംസാരിച്ചു.