സെന്റ് ജോസഫ്സ് കോളേജിൽ 31-ാമത് ഇന്റർ-സ്കൂൾ ഗണിത ക്വിസ് മത്സരം സംഘടിപ്പിച്ചു

ഇരിങ്ങാലക്കുട : സെന്റ് ജോസഫ്സ് കോളേജിൽ (ഓട്ടോണോമസ്) ഗണിതശാസ്ത്ര വിഭാഗത്തിന്റെ ആഭിമുഖ്യത്തിൽ 31-ാമത് ഇന്റർ-സ്കൂൾ ഗണിത ക്വിസ് മത്സരം സംഘടിപ്പിച്ചു. കോട്ടയം രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്നോളജിയിലെ (RIT) അസിസ്റ്റന്റ് പ്രൊഫസർ ശ്രീ ലിജു അലക്സ് ക്വിസ് മാസ്റ്ററായി മത്സരങ്ങൾക്ക് നേതൃത്വം നൽകി. വിവിധ സ്കൂളുകളിൽ നിന്നുള്ള മുപ്പത്തെട്ടോളം ടീമുകൾ മാറ്റുരച്ചു.

ആവേശകരമായ മത്സരത്തിൽ ഭാരതീയ വിദ്യാഭവൻ പൂച്ചട്ടി ഒന്നാം സ്ഥാനവും, തൃശ്ശൂർ നിർമല മാതാ സെൻട്രൽ സ്കൂൾ രണ്ടാം സ്ഥാനവും, ഭാരതീയ വിദ്യാഭവൻ സ്കൂൾ ഇരിഞ്ഞാലക്കുട മൂന്നാം സ്ഥാനവും കരസ്ഥമാക്കി.

ഒന്നാം സമ്മാനം നേടിയവർക്ക് 3000 രൂപയും, രണ്ടാം സമ്മാനമായി 2000 രൂപയും, മൂന്നാം സമ്മാനമായി 1000 രൂപയും ക്യാഷ് പ്രൈസായി നൽകി. വിജയികൾക്കുള്ള ക്യാഷ് പ്രൈസും പങ്കെടുത്തവർക്കുള്ള സർട്ടിഫിക്കറ്റുകളും കോളേജ് പ്രിൻസിപ്പൽ ഡോ. സിസ്റ്റർ ബ്ലെസിയും ക്വിസ് മാസ്റ്റർ ലിജു അലക്സും ചേർന്ന് വിതരണം ചെയ്തു.