യോഗക്ഷേമ സഭ തൃശ്ശൂർ ജില്ലാ കലാ സാഹിത്യ മേള ‘തൗര്യത്രികം’ ഇരിങ്ങാലക്കുട ശാന്തിനികേതൻ പബ്ലിക്ക് സ്‌കൂളിൽ ഡിസംബർ 21, 22 തിയ്യതികളിൽ

ഇരിങ്ങാലക്കുട : ഇരിങ്ങാലക്കുട ശാന്തി നികേതൻ പബ്ലിക്ക് സ്‌കൂളിൽ വച്ച് ഡിസംബർ 21, 22 തിയ്യതികളിലായി നടക്കുന്നു. 21ന് രാവിലെ 5.30ന് സ്‌കൂളിൽ ശ്രീ കൂടൽമാണിക്യം ക്ഷേത്രം തന്ത്രി കൂടിയായ നെടുമ്പിള്ളി ഗോവിന്ദൻ നമ്പൂതിരിപ്പാടിൻ്റെ കാർമികത്വത്തിൽ ഗണപതിഹോമം നടക്കും.

8.45ന് ധ്വജാരോഹണവും 9 മണിക്ക് ഉദ്ഘാടന സമ്മേളനവും ആരംഭിക്കും. യോഗക്ഷേമസഭ ജില്ലാ പ്രസിഡണ്ട് ഹരി പഴങ്ങാപ്പറമ്പ് അദ്ധ്യക്ഷനാകുന്ന യോഗത്തിൽ പ്രഗത്ഭ കഥകളി നടൻ ഡോ. സദനം കൃഷ്‌ണൻകുട്ടിയാശാൻ ഉദ്ഘാടനം നിർവ്വഹിക്കും. തുറനെല്ലൂർ മുരളീധരൻ, പുലിയന്നൂർ ശങ്കരനാരായണൻ നമ്പൂതിരിപ്പാട്, യുവജനസഭ സംസ്ഥാന സെക്രട്ടറി വിശാൽ അക്കര ചിറ്റൂർ, ശ്രീരാമൻ ഇരവിമംഗലം, വനിതാ സഭ സംസ്ഥാന ട്രഷറർ ഗിരിജ മുകുന്ദൻ, സുധ നാരായണൻ എന്നിവർ ആശംസിക്കും.

പ്രോഗ്രാം കമ്മിറ്റി ചെയർമാൻ മേലേടം ശ്രീകുമാർ സ്വാഗതവും, ഇരിങ്ങാലക്കുട ഉപസഭ സെക്രട്ടറി എം.ഡി.ശ്രീകുമാർ നന്ദിയും പറയും. തുടർന്ന് 9 വേദികളിൽ 37 മത്സരയിനങ്ങളിൽ കിഡ്ഢീസ്, സബ് ജൂനിയർ, ജൂനിയർ, സീനിയർ, സൂപ്പർ സീനിയർ എന്നീ 5 വിഭാഗങ്ങളിലായി 2100 മത്സരാർത്ഥികൾ മാറ്റുരക്കും.

22-ാം തിയ്യതി വൈകീട്ട് 5 മണിക്ക് പഴങ്ങാപ്പറമ്പ് ഹരി നാരായണൻ അദ്ധ്യക്ഷനാകുന്ന സമാപന സമ്മേളനം പ്രശസ്ത ജ്യോതിഷ പണ്ഡിതൻ ബി.പത്മനാഭ ശർമ്മ ഉദ്ഘാടനം നിർവ്വഹിക്കും. പ്രോഗ്രാം കമ്മിറ്റി കൺവീനർ എൻ.എൻ.രാമൻ നമ്പൂതിരി ഫല പ്രഖ്യാപനവും, യോഗക്ഷേമസഭ സംസ്ഥാന പ്രസിഡണ്ട് അക്കീരമൺ കാളിദാസ ഭട്ടതിരിപ്പാട് മുഖ്യാതിഥിയായി പങ്കെടുക്കുകയും ചെയ്യും.

സമ്മാനവിതരണത്തിനു ശേഷം കെ. ഡി.ദാമോദരൻ നമ്പൂതിരി പി.കെ പാർവ്വതിക്കുട്ടി, ശ്രീകൃഷ്‌ണൻ പി.വി.കെ, കൗൺസിലർ സുജ സഞ്ജീവ് കുമാർ, ശാന്തിനികേതൻ സ്‌കൂൾ പ്രസിഡണ്ട് സന്തോഷ് ചെറാക്കുളം, ഡോ.പി.ടി.എൻ വാസുദേവൻ മൂസ്സ്, പെരുമാങ്ങോട് വാസുദേവൻ, പി.എൻ.ഗോപകുമാർ, പ്രദീപ് പി.വി, എന്നിവർ ആശംസകൾ നേരും. യോഗക്ഷേമസഭ ജില്ലാ ട്രഷറർ കരുവാട് നാരായണൻ സ്വാഗതവും, ജില്ലാ സെക്രട്ടറി കാവനാട് കൃഷ്‌ണൻ നമ്പൂതിരി നന്ദിയും രേഖപ്പെടുത്തും.

യോഗക്ഷേമസഭ സംസ്ഥാന സെക്രട്ടറിയും കലാ സാഹിത്യ മേള ചീഫ് കോഡിനേറ്റർ കെ ഡി ദാമോദരൻ, യോഗക്ഷേമ സഭ തൃശ്ശൂർ ജില്ലാ സെക്രട്ടറിയും കലാസാഹിത്യ മേള ജനറൽ കൺവീനറുമായ കാവനാട് കൃഷ്ണൻ നമ്പൂതിരി, പബ്ലിസിറ്റി കൺവീനർ പി എൻ ശ്രീരാമൻ, ഉപസഭാ സെക്രട്ടറി മേലോം ശ്രീകുമാർ, പബ്ലിസിറ്റി ചെയർമാൻ പരിയാമ്പറ്റ കൃഷ്ണൻ, ഇ കെ കേശവൻ എന്നിവർ ഇരിങ്ങാലക്കുട പ്രസ് ക്ലബ്ബിൽ നടന്ന വാർത്താ സമ്മേളനത്തിൽ പങ്കെടുത്തു