ഭാരതീയ വിദ്യാഭവനിൽ ഇന്നൊവേഷൻ ലബോറട്ടറി ഉദ്ഘാടനം ചെയ്തു

ഇരിങ്ങാലക്കുട : ഭാരതീയ വിദ്യാഭവൻ ഇരിങ്ങാലക്കുടയിൽ കുട്ടികളുടെ ശാസ്ത്ര സാങ്കേതിക കഴിവുകൾ വികസിപ്പിക്കുന്നതിനും നൂതനാശയങ്ങളുടെ പുതുലോകങ്ങളിലേക്ക് ക്രിയാത്മകമായി സഞ്ചരിക്കാൻ പ്രാപ്തരാക്കുന്നതിനും ഉതകുന്ന ‘ഇന്നോവഷൻ ക്രീയേറ്റീവ് & ടെക്നിക്കൽ ലാബി’ന്റെ ഉദ്ഘാടനം നടന്നു. ക്രൈസ്റ്റ് കോളേജ് രസതന്ത്ര വിഭാഗം മുൻ മേധാവി പ്രൊഫ. ആർ ജയറാം ഉദ്ഘാടനം നിർവഹിച്ചു. ചെയർമാൻ ടി എ നായർ അധ്യക്ഷത വഹിച്ചു.

എക്സിക്യൂട്ടീവ് വൈസ് ചെയർമാൻ സി നന്ദകുമാർ, വൈസ് ചെയർമാൻ ടി പി വിവേകാനന്ദൻ, പ്രിൻസിപ്പൽ ബിജു ഗീവർഗീസ്, സെക്രട്ടറി വി രാജൻ, മാനേജ്മെന്റ് കമ്മിറ്റി അംഗങ്ങളായ പി കെ ഉണ്ണികൃഷ്ണൻ, പ്രൊഫ. നാരായണൻകുട്ടി, വൈസ് പ്രിൻസിപ്പൽമാരായ സുജാത രാമനാഥൻ, ഗിരിജ മേനോൻ, രസതന്ത്ര വിഭാഗം മേധാവിയും സ്കൂൾ ഇന്നോവേഷൻ സെൽ കോർഡിനേറ്ററുമായ സവിത മേനോൻ, സ്കൂൾ അഡ്മിനിസ്ട്രേറ്റർ നവീൻ, പിടിഎ അംഗം രാമനാഥൻ എന്നിവർ പങ്കെടുത്തു.

വിവിധ ക്ലാസ്സുകളിലെ കുട്ടികൾ ഒരുക്കിയ ശാസ്ത്ര സാങ്കേതിക പ്രദർശനവും നടന്നു. ലാബിന്റെ സജ്ജീകരണത്തിനും സാങ്കേതിക പ്രദർശനത്തിനും നൂതനാശയങ്ങൾ നൽകിയ പൂർവ്വവിദ്യാർത്ഥികളായ പ്രണവ് ബി മേനോനെയും അഭിനവിനെയും ചടങ്ങിൽ സമ്മാനം നൽകി അഭിനന്ദിച്ചു. ശാസ്ത്ര വിഭാഗം അധ്യാപകർ പരിപാടികൾ ഏകോപിപ്പിച്ചു.