ഓട്ടോ ടാക്സിയും ആംബുലൻസും കൂട്ടിയിടിച്ച് ഏറവിലുണ്ടായ അപകടത്തിൽ എടതിരിഞ്ഞി സ്വദേശിയായ യുവാവ് മരിച്ചു

എടതിരിഞ്ഞി : മകനെ ഡോക്ടറെ കാണിച്ച് തിരിച്ചു വരുന്ന വഴി വാഹനാപകടത്തിൽ എടതിരിഞ്ഞി സ്വദേശിയായ യുവാവ് മരിച്ചു. എടതിരിഞ്ഞി ചളിങ്ങാട് വീട്ടിൽ സുകുമാരൻ മകൻ ജിതിൻ ( 29 ) ആണ് മരിച്ചത്. തൃശ്ശൂർ എറവ് കപ്പൽ പള്ളിയിൽ വച്ച് പുലർച്ചെ രണ്ട് മണിയോടെ ജിതിൻ ഓടിച്ചിരുന്ന ഓട്ടോ ടാക്സിയും ആംബുലൻസും കൂട്ടിയിടിച്ചായിരുന്നു അപകടം.

ഓട്ടോ ടാക്സിയിൽ ഒപ്പം ഉണ്ടായിരുന്ന ജിതിന്റെ ഭാര്യ നീതു, മകൻ അദ്രിനാഥ് , ഭാര്യ പിതാവ് കണ്ണൻ എന്നിവർ ഗുരുതരമായ പരിക്കുകളോടെ ചികിൽസയിലാണ്. മകനെ ഡോക്ടറെ കാണിച്ച് തൃശ്ശൂരിൽ നിന്നും നീതുവിന്റെ വാടാനപ്പിള്ളിയിൽ ഉള്ള വീട്ടിലേക്ക് മടങ്ങുമ്പോൾ ആയിരുന്നു അപകടം സംഭവിച്ചത്.