നൂറ്റൊന്നംഗസഭയുടെ ആഭിമുഖ്യത്തിൽ സ്വാതന്ത്ര്യദിന ചിത്രരചനാ മത്സരം സംഘടിപ്പിച്ചു

ഇരിങ്ങാലക്കുട : സ്വാതന്ത്ര്യ ദിനത്തോടനുബന്ധിച്ച് നൂറ്റൊന്നംഗസഭയുടെ ആഭിമുഖ്യത്തിൽ നടന്ന സ്വാതന്ത്ര്യ ദിനചിത്രരചനാമത്സരം മികച്ച ബാലതാരത്തിനുള്ള സംസ്ഥാന ചലച്ചിത്ര അവാർഡ് ലഭിച്ച മാസ്റ്റർ ഡാവിഞ്ചി സന്തോഷ് ഉദ്ഘാടനം ചെയ്തു . നൂറ്റൊന്നംഗ സഭാ ചെയർമാൻ ഡോ. ഇ പി ജനാർദ്ദനൻ അധ്യക്ഷത വഹി ച്ചു

ചടങ്ങിൽ നൂറ്റൊന്നംഗ സഭ ജനറൽ കൺവീനർ എം.സനൽ കുമാർ, പ്രശസ്ത നാടകകൃത്ത് സതീഷ് കുന്നത്ത്, സെക്രട്ടറി രവിശങ്കർ, ട്രഷറർ പി കെ ശിവദാസ്, കൺവീനർ പ്രസന്ന ശശി കെ എ സുധീഷ് കുമാർ പി. കെ ജിനൻ എന്നിവർ സംസാരിച്ചു.

യു പി, ഹൈസ്കൂൾ, ഹയർ സെക്കൻഡറി, കോളേജ് എന്നീ നാലു വിഭാഗങ്ങളായി നടത്തിയ മത്സരത്തിൽ ഇരുന്നൂറി ലധികം മത്സരാർത്ഥികൾ പങ്കെടുത്തു. തുടർന്ന് ശിവരജ്ഞിനി ഓർഗസ്ട്രയുടെ ചലച്ചിത്രഗാന പരിപാടിയായ ഹൃദയരാഗം അരങ്ങേറി.