ഹൃദയ ശസ്ത്രക്രിയക്ക് സഹായവുമായി ഇരിങ്ങാലക്കുട ഗവ. മോഡൽ ബോയ്സ് വി.എച്ച്.എസ്.ഇ വിഭാഗം എൻ.എസ്.എസ് യൂണിറ്റ്

ഇരിങ്ങാലക്കുട : ഗവ. മോഡൽ ബോയ്സ് വി.എച്ച്.എസ്.ഇ വിഭാഗം എൻ.എസ്.എസ് യൂണിറ്റിൻ്റെ ആഭിമുഖ്യത്തിൽ നടപ്പിലാക്കിയ “ആത്മകം ” പദ്ധതിയുടെ ഭാഗമായി വൊളൻ്റിയേഴ്സ് ശേഖരിച്ച ന്യൂസ് പേപ്പറും പ്ലാസ്റ്റിക് ബോട്ടിലും വിറ്റ് സമാഹരിച്ച തുക വെള്ളാംങ്ങല്ലൂർ സ്വദേശിയുടെ ഹൃദയ ശസ്ത്രക്രിയാ സഹായനിധിയിലേക്ക് നൽകുന്നതിനായി പി.ടി.എ പ്രസിഡൻ്റ് ബിനോയ് വി ആറിന് വൊളൻ്റിയർ ലീഡർമാരായ ഡോൺ പോളും കാർത്തികയും ചേർന്ന് കൈമാറി.

കഴിഞ്ഞ ജൂലൈ 6 ന് നടന്ന ഏകദിന ക്യാമ്പിൻ്റെ ഭാഗമായിട്ടാണ് കുട്ടികൾ പഴയ ന്യൂസ് പേപ്പറും ഉപയോഗശൂന്യമായ പ്ലാസ്റ്റിക് കുപ്പികളും മറ്റും വീടുകളിൽ നിന്ന് ശേഖരിച്ചത്.

പ്രിൻസിപ്പാൾ രാജലക്ഷ്മി ആർ, എൻ എസ് എസ് പ്രോഗ്രാം ഓഫീസർ ലസീദ എം.എ, അസിസ്റ്റൻ്റ് പി.ഒ ഷമീർ എസ് എൻ , അദ്ധ്യാപകരായ നിസ കെ എസ് , ഡോ ജിദ എം.ഡി എന്നിവർ നേതൃത്വം നൽകി.