കെ.എസ് പാർക്കിൻ്റെ ആഭിമുഖ്യത്തിൽ അഖില കേരള ചിത്രരചനാ മത്സരവും, മറ്റ് കലാമത്സരങ്ങളും സംഘടിപ്പിക്കുന്നു

ഇരിങ്ങാലക്കുട : ശിശുദിനാഘോഷത്തോടനുബന്ധിച്ച് കെ.എസ് പാർക്കിൻ്റെ ആഭിമുഖ്യത്തിൽ സ്‌കൂൾ വിദ്യാർത്ഥികളെ പങ്കെടുപ്പിച്ചു കൊണ്ട് നവംബർ 12-ാം തിയ്യതി മുതൽ 14-ാം തിയ്യതി വരെ അഖില കേരള ചിത്രരചനാ മത്സരവും, മറ്റ് കലാമത്സരങ്ങളും സംഘടിപ്പിക്കുന്നു. കുഞ്ഞു മനസ്സുകളുടെ ഭാവനകളും, ചിന്തകളും വർണ്ണങ്ങളിൽ പകർത്താനുള്ള ഒരു വേദിയോടൊപ്പം വെസ്റ്റാ ബേബി പ്രിൻസിനേയും, പ്രിൻസസിനേയും ശിശുദിനത്തിൽ തിരഞ്ഞെടുക്കും.

ശിശുദിനാഘോഷങ്ങളുടെ സമാപന സമ്മേളനം നവംബർ 14-ാം തിയ്യതി വ്യാഴാഴ്‌ച വൈകീട്ട് 6 മണിക്ക് കെ.എസ് പാർക്കിൽ വച്ച് നടത്തപ്പെടുന്നു മത്സര വിജയികൾക്ക് ഈ സമ്മേളനത്തിൽ വച്ച് സമ്മാനങ്ങൾ നൽകുന്നതായിരിക്കും. തൃശ്ശൂർ ജില്ലാ കളക്ടർ അർജുൻ പാണ്ട്യൻ ഐ.എ.എസ് ചടങ്ങ് ഉദ്ഘാടനം നിർവഹിക്കും. കെ എസ് ലിമിറ്റഡ് മാനേജിങ് ഡയറക്ടർ എം.പി ജാക്സൺ അധ്യക്ഷത വഹിക്കും, എക്സിക്യൂട്ടീവ് ഡയറക്ടർ പോൾ ഫ്രാൻസിസ് ആശംസകള്‍ നേർന്നു സംസാരിക്കും.