പ്രതാപ്സിംഗിനെആദരിച്ചു

കാട്ടൂർ : കേരള സംഗീത നാടക അക്കാദമിയുടെ ഗുരുപൂജ പുരസ്കാരം നേടിയ പ്രശസ്ത സംഗീത സംവിധായകനും സാഹിത്യകാരനുമായ പ്രതാപ് സിംഗിനെ കാട്ടൂർ കലാസദനം -സർഗ്ഗസംഗമം ഗ്രൂപ്പിൻ്റെ നേതൃത്വത്തിൽ ആദരിച്ചു. കാട്ടൂർ ടി.കെ. ബാലൻ ഹാളിൽ നടന്ന ആദരണീയം അശോകൻ ചരു വിൽഉദ്ഘാടനം ചെയ്തു. ഇ.ജി. വസന്തൻ മുഖ്യപ്രഭാഷണം നടത്തി.

കാട്ടൂർ രാമചന്ദ്രൻ അദ്ധ്യക്ഷനായി. അനുശ്രീ കൃഷ്ണനുണ്ണി , ജോസ് മഞ്ഞില, അരുൺവൻ പറമ്പിൽ അനിലൻ ചരുവിൽ, മുഹമ്മദ് ഇബ്രാഹിം (സിംപ്സൺ ഇബ്രു) എന്നിവർ സംസാരിച്ചു. പ്രതാപ് സിംഗിന് വേണ്ടി ദൗഹിത്രി അനുശ്രീ കൃഷ്ണനുണ്ണി ഉപഹാരം ഏറ്റു വാങ്ങി.