ആറ്റുകാൽ പൊങ്കാല സമർപ്പണം ; ഇരിങ്ങാലക്കുടയിൽ നിന്നും സ്പെഷ്യൽ സർവീസുമായി കെ.എസ്.ആർ.ടി.സി

ഇരിങ്ങാലക്കുട : മാർച്ച് 13-ന് നടക്കുന്ന ആറ്റുകാൽ പൊങ്കാല സമർപ്പണത്തിന് സ്‌പെഷ്യൽ ട്രിപ്പ് ഒരുക്കി ഇരിങ്ങാലക്കുട കെ.എസ്.ആർ.ടി.സി. ഇരിങ്ങാലക്കുട ബജറ്റ് ടൂറിസം സെല്ലിന്റെ കീഴിൽ മാർച്ച് 12-ന് രാത്രി പുറപ്പെട്ട് 13-ന് രാത്രി തിരിച്ചെത്തുന്ന രീതീയിലാണ് യാത്ര. ആദ്യം ബുക്ക് ചെയ്യുന്ന 51 യാത്രകാർക്ക് മാത്രം ഒരാൾക്ക് 1200/- രൂപ.

പൊങ്കാല സമർപ്പണത്തിനു മാത്രമായിട്ടാണ് യാത്ര, ആറ്റുകാൽ ക്ഷേത്രദർശന സൗകര്യം ഉണ്ടായിരിക്കില്ല. പൊങ്കാല അടുപ്പ് കൂട്ടാനുള്ള സ്ഥല സൗകര്യവും ചുടുകട്ടകളും അവിടെ കെ.എസ്.ആർ.ടി.സി ഒരുക്കും. തിരുവനന്തപുരം കവടിയാർ കൊട്ടാരം രാജവീഥിയിലാണ് സ്ഥലം ഒരുക്കിയിട്ടുള്ളത്. കൂടുതൽ വിവരങ്ങൾക്ക് 9633979681 നമ്പറിൽ ബന്ധപ്പെടാം.