വല്ലക്കുന്ന് ചെമ്മീൻചാലിൽ തിരുവനന്തപുരം സ്വദേശിയായ നിപ്മർ വിദ്യാർത്ഥി മുങ്ങിമരിച്ചു

വല്ലക്കുന്ന് : വല്ലക്കുന്ന് ചെമ്മീൻ ചാലിൽ തിരുവനന്തപുരം സ്വദേശിയായ നിപ്മർ വിദ്യാർത്ഥി അച്ചു എം എസ് (19) മുങ്ങിമരിച്ചു. ബാച്‌ലർ ഇൻ പ്രോസ്തെറ്റിക് ആൻഡ് ഓർത്തോടിക് (ബി പി ഓ) ഒന്നാം വർഷ വിദ്യാർത്ഥിയാണ്. വെള്ളിയാഴ്ച വൈകുന്നേരം രണ്ടു സുഹൃത്തുക്കൾക്കൊപ്പം രാത്രി 7 മണിക്ക് കുളിക്കാൻ എത്തിയതായിരുന്നു.

കല്ലേറ്റുംകരയിൽ വാടകവീടെടുത്ത് താമസിക്കുകയായിരുന്നു. കഴിഞ്ഞദിവസം സൈക്കിൾ എടുത്ത് യാത്ര ചെയ്യവേ വല്ലക്കുന്നിലെ ചെമ്മീൻചാൽ കുളം ശ്രദ്ധയിൽപ്പെടുകയും സുഹൃത്തുക്കളോടൊപ്പം ഇന്ന് അവിടെ ആദ്യമായി കുളിക്കാൻ എത്തുകയും ആയിരുന്നു .

കുളിക്കാൻ കുളത്തിൽ ചാടിയ ഉടനെ കുളത്തിൽ ഉണ്ടായിരുന്ന വലയിൽ പെടുകയായിരുന്നു എന്ന് പറയുന്നു കൂട്ടുകാരനെ കാണാതായപ്പോൾ സമീപത്തുള്ളവരുടെ സഹായം തേടി സുഹൃത്തുക്കൾ എത്തുകയും തുടർന്ന് ഇരിങ്ങാലക്കുട അഗ്നിരക്ഷാസേന സംഭവസ്ഥലത്തെത്തി മൃതദേഹം എട്ടുമണിക്ക് ശേഷം പുറത്തെടുക്കുകയും ആയിരുന്നു.