വെള്ളാങ്കല്ലൂർ ബ്ലോക്ക് പഞ്ചായത്ത് പ്രസിഡണ്ടായി സി.പി.ഐയിലെ സുധാ ദിലീപ് അധികാരമേറ്റു

ഇരിങ്ങാലക്കുട : വെള്ളാങ്കല്ലൂർ ബ്ലോക്ക് പഞ്ചായത്ത് പ്രസിഡണ്ടായി സി പി ഐയിലെ സുധാ ദിലീപ് അധികാരമേറ്റു. എൽ.ഡി.എഫ് ധാരണ പ്രകാരം സി.പി.ഐ(എം) ലെ വിജയലക്ഷ്മി വിനയചന്ദ്രൻ രാജിവെച്ച ഒഴിവിലാണ് സി.പി.ഐ പ്രതിനിധി പ്രസിഡന്റ് സ്ഥാനമേറ്റത്.

തുടർന്ന് ബ്ലോക്ക് പഞ്ചായത്ത് ഹാളിൽ നടന്ന സ്വീകരണ യോഗത്തിൽ ബ്ലോക്ക് വൈസ് പ്രസിഡന്റ് ഉണ്ണികൃഷ്ണൻ കുറ്റിപ്പറമ്പിൽ അധ്യക്ഷത വഹിച്ചു. സി പി ഐ എം ജില്ലാ കമ്മിറ്റി അംഗം എം. രാജേഷ്, സി പി ഐ മുതിർന്ന നേതാവ് കെ. ശ്രീകുമാർ, സി പി ഐ മണ്ഡലം സെക്രട്ടറി പി. മണി, സി പി ഐ ജില്ലാ കൗൺസിൽ അംഗം സി.സി വിബിൻ ചന്ദ്രൻ, ജില്ലാ പഞ്ചായത്ത് അംഗം ഷീലഅജയഘോഷ്, ബ്ലോക്ക് പ്രതിപക്ഷ നേതാവ് രജനി എന്നിവർ സംസാരിച്ചു.

മുൻ ബ്ലോക്ക് പ്രസിഡണ്ട് വിജയലക്ഷ്മി വിനയചന്ദ്രൻ സ്വാഗതവും സ്റ്റാൻഡിങ് കമ്മിറ്റി ചെയർമാൻ സുരേഷ് അമ്മനത്ത് നന്ദിയും പറഞ്ഞു. സി പി ഐ ജില്ലാ കൗൺസിൽ അംഗംഅനിത രാധാകൃഷ്ണൻ, സിപിഐ സെക്രട്ടറിയേറ്റ് അംഗം കെ.സി ബിജു, പടിയൂർ എൽഡിഎഫ് കൺവീനർ കെ.വി രാമകൃഷ്ണൻ, സിപിഐ പടിയൂർ നോർത്ത് ലോക്കൽ സെക്രട്ടറി വി.ആർ രമേഷ്, വെള്ളാങ്കല്ലൂർ ലോക്കൽ സെക്രട്ടറി സുരേഷ് പണിക്കശ്ശേരി, പുത്തൻചിറ ലോക്കൽ സെക്രട്ടറി യു.വി വാസുദേവൻ, സിപിഐ മണ്ഡലം കമ്മിറ്റി അംഗം ടി.വി വിബിൻ എന്നിവർ നേതൃത്വം നൽകി.

പടിയൂരിലെ രാഷ്ട്രീയ സംഘടന പ്രവർത്തനത്തിൽ നിന്നുമാണ് സുധാ ദിലീപിന്റെ പൊതുപ്രവർത്തനത്തിന് പ്രവർത്തന തുടക്കം. പിന്നീട് പൊതുരംഗത്തേക്ക്. ബാലവേദിയുടെ യുവജനരംഗത്തും കേരള മഹിളാ സംഘം ത്തിൻ്റെ ഇരിങ്ങാലക്കുട മണ്ഡലം ജോ: സെക്രട്ടറിയും സി.പി.ഐ പടിയൂർ നോർത്ത് ലോക്കൽ കമ്മിറ്റി അംഗവും കലാസാംസ്കാരിക രംഗത്തെ നിറ സാന്നിധ്യവുമാണ്. ഭാർത്താവ്: ദീലിപ്, മക്കൾ: ഹരികൃഷ്ണൻ യാദവ്.