CISCE ദേശീയ കരാട്ടെ ചാമ്പ്യൻഷിപ്പിൽ വെങ്കല മെഡൽ നേടി മാപ്രാണം സ്വദേശിനി സിയ ജോസ്

ഇരിങ്ങാലക്കുട : കൊൽക്കത്തയിൽ നടന്ന CISCE ദേശീയ കരാട്ടെ ചാമ്പ്യൻഷിപ്പിൽ വെങ്കല മെഡൽ നേടി നാടിന് അഭിമാനമായി മാറിയിരിക്കുകയാണ് മാപ്രാണം സ്വദേശിനി സിയ ജോസ്. ഇരിങ്ങാലക്കുട ക്രൈസ്റ്റ് വിദ്യാനികേതൻ സ്കൂളിലെ പ്ലസ്ടു വിദ്യാർത്ഥിനിയാണ് സിയ. 14 പേർ പങ്കെടുത്ത അണ്ടർ 19 ക്യാറ്റഗറിയിൽ ആണ് സിയ വെങ്കലം കരസ്ഥമാക്കിയത്. 10 വർഷമായി സിയ റാഫേൽ മാസ്റ്ററിന്‍റെ കീഴിൽ കരാട്ടെ അഭ്യസിക്കുന്നുണ്ട്. 2020 ൽ ബ്ലാക്ക് ബെൽറ്റ് യോഗ്യത നേടി.

കഴിഞ്ഞ വർഷത്തെ നാഷണൽസിൽ ബാസ്കറ്റ്ബാൾ ടീമിൽ കേരളയുടെ മികച്ച കളിക്കാരിയായിരുന്നു സിയ. താണിയത്ത് ജോസിൻ്റെയും മാള സെൻ്റ് ആൻ്റണീസ് വിദ്യാലയത്തിലെ അധ്യാപികയായ സിനി ടീച്ചറുടെയും മകളാണ്. സഹോദരി ക്രൈസ്റ്റ് കോളേജിലെ ഫങ്ങ്ഷണൽ ഇംഗ്ലീഷ് രണ്ടാം വർഷ വിദ്യാർത്ഥിനിയാണ്.