ജീവിതോത്സവം 2025 സമാപന സമ്മേളനം

ഇരിങ്ങാലക്കുട : കൗമാരക്കാർ നേരിടുന്ന വെല്ലുവിളികളെ തരണം ചെയ്യുക എന്ന ലക്ഷ്യത്തോടെ സംസ്ഥാന നാഷണൽ സർവീസ് സ്കീം ആവിഷ്കരിച്ച ജീവിതോത്സവം 2025 പരിപാടിയുടെ ഇരിങ്ങാലക്കുട ക്ലസ്റ്റർ 1 സമാപന സമ്മേളനം ഇരിങ്ങാലക്കുട ഗവണ്മെന്റ് മോഡൽ ബോയ്സ് ഹയർ സെക്കണ്ടറി സ്കൂളിൽ നടന്നു.

ഇരിങ്ങാലക്കുട നഗരസഭ കൗൺസിലർ അഡ്വ കെ ആർ വിജയ ജീവിതോത്സവം പരിപാടി ഉദ്ഘാടനം ചെയ്തു. പ്രിൻസിപ്പാൾ എം കെ മുരളി സ്വാഗതം പറഞ്ഞ ചടങ്ങിൽ പി. ടി. എ പ്രസിഡന്റ്‌ ഭക്തവത്സലൻ വി ആധ്യക്ഷനായി.

ഇരിങ്ങാലക്കുട ക്ലസ്റ്റർ കൺവീനവർ ശ്രീജിത്ത്‌ ഒ എസ് ഇരുപത്തി ഒന്ന് ദിന ജീവിതോത്സവ പരിപാടി വിശകലനം ചെയ്തു. ഹെഡ്മിസ്ട്രസ് ഉഷ ടി. കെ, എൻ. എസ്. എസ് പ്രോഗ്രാം ഓഫീസർ വിനുകുമാർ എൻ. വി, എൻ. എസ്. എസ് വോളണ്ടിയർ ലീഡർ ജാക്വലിൻ ജെ മെന്റസ് എന്നിവർ പ്രസംഗിച്ചു.