നാഷണൽ ഹയർ സെക്കൻ്ററി സ്കൂളിലെ വാർഷികാഘോഷവും യാത്രയയപ്പു സമ്മേളനവും സംഘടിപ്പിച്ചു

ഇരിങ്ങാലക്കുട : നാഷണൽ ഹയർ സെക്കൻ്ററി സ്കൂളിലെ വാർഷികാഘോഷവും യാത്രയയപ്പു സമ്മേളനവും ആഘോഷിച്ചു. തൃശൂർ എം.എൽ.എ പി. ബാലചന്ദ്രൻ വാർഷികാഘോഷം ഉദ്ഘാടനം നിർവഹിച്ചു. ഇരിങ്ങാലക്കുട നഗരസഭാ ചെയർ പേഴ്സൺ മേരിക്കുട്ടി ജോയി അധ്യക്ഷത വഹിച്ചു.

തൃശൂർ സബ്ബ് – കളക്ടർ അഖിൽ വി. മേനോൻ മുഖ്യാതിഥി ആയിരുന്നു. നഗരസഭാ കൗൺസിലർ സ്മിതാ കൃഷ്ണകുമാർ, പി.ടി.എ. പ്രസിഡൻ്റ് പി.വിജയൻ, മാനേജർ രുക്മണി രാമചന്ദ്രൻ, മാനേജ്മെൻ്റ് പ്രതിനിധി വി.പി.ആർ മേനോൻ, എം പി.ടി.എ പ്രസിഡൻ്റ് സരിതാ രമേഷ്, ഒ.എസ് എ പ്രസിഡൻ്റ് അഡ്വ കെ ജി.അജയ് കുമാർ, സുനീതി വി നരേന്ദ്രൻ എ , ജയലക്ഷ്മി.കെ, സീന കെ.പി, ഒ.എസ്. ശ്രീജിത്ത്, ലേഖ എൻ.എ. , സുശീൽ കെ വി , സാലി സഖറിയ സഞ്ജയ്കുമാർ എം. കെ , മാളവിക എം എം , നിരഞ്ജൻ ആർ.എൽ എന്നിവർ സംസാരിച്ചു.

വിരമിക്കുന്ന അധ്യാപകരായ ഹെഡ്മാസ്റ്റർ വി.എ ഹരിദാസ്, ജ്യോതി പി.എൻ, ഉഷ പി. അജിത.കെ. ടെസ്സി കുര്യൻ വി, ബീന കെ എന്നിവർ മറുപടി പ്രസംഗം നടത്തി. തുടർന്ന് വിവിധ കലാപരിപാടികൾ അരങ്ങേറി.