കല്ലേറ്റുംകര ഉണ്ണിമിശിഹ പള്ളിയിലെ മോഷണം: പ്രതി പത്മനാഭനെ കോട്ടയം തലയോലപറമ്പ് പോലിസ് അറസ്റ്റ് ചെയ്തു

ഇരിങ്ങാലക്കുട : കല്ലേറ്റുംകര ഉണ്ണിമിശിഹ പള്ളിയിലെ മോഷണ കേസിലെ പ്രതി പത്മനാഭനെ കോട്ടയം തലയോലപറമ്പ് പോലിസ് അറസ്റ്റ് ചെയ്തു. വടക്കാഞ്ചേരി പോലീസ് സ്റ്റേഷൻ പരിധിയിൽ നിന്നാണ് തലയോലപ്പറമ്പ് പോലീസ് പ്രതിയെ പിടികൂടുന്നത്.

ആളൂർ പോലിസ് നൽകിയ സൂചനയുടെ അടിസ്ഥാനത്തിലും ആണ് ഇടുക്കി , ആയിരം ഏക്കർ, ചാക്യാങ്കൽ വീട്ടിൽ പത്മനാഭനെ ( 64) തലയോലപറമ്പ് പോലിസ് അറസ്റ്റ് ചെയ്തത്. പത്മനാഭൻ കുന്നംകുളം, കൊടുങ്ങല്ലൂർ, മാള പോലിസ് സ്റ്റേഷനുകളിലടക്കം നിരവധി മോഷണകേസുകളിൽ പ്രതിയാണ്.

രണ്ടാഴ്ച മുമ്പാണ് കല്ലേറ്റുംകര ഇൻഫെന്റ് ജീസസ് പള്ളിയിൽ വെളുപ്പിന് പള്ളി ഓഫീസ് കുത്തി തുറന്ന് ഏകദേശം 90000 മോഷ്ടാവ് അപഹരിച്ചത്.