സിപിഐ(എം) ഏരിയ കമ്മിറ്റിയുടെ നേതൃത്വത്തിലുള്ള കാൽ നട പ്രചാരണ ജാഥ പര്യടനം തുടരുന്നു, വെള്ളിയാഴ്ച സമാപനം

ഇരിങ്ങാലക്കുട : സംസ്ഥാനത്തോടുള്ള കേന്ദ്ര അവഗണനക്കെതിരെ സിപിഐഎം ഏരിയ കമ്മിറ്റിയുടെ നേതൃത്വത്തിലുള്ള കാൽ നട പ്രചാരണ ജാഥ പര്യടനം തുടരുന്നു. വ്യാഴാഴ്ച പുത്തൻതോട് സെൻ്ററിൽ നിന്ന് തുടങ്ങി. പീച്ചമ്പിള്ളിക്കോണം, കുഴിക്കാട്ടു കോണം, മാപ്രാണം, ഏ കെ പി ജങ്ഷൻ, ബസ് സ്റ്റാൻഡ് പരിസരം, ഠാണാ എന്നിവിടങ്ങളിൽ സ്വീകരണം നൽകി.

സ്വീകരണ കേന്ദ്രങ്ങളിൽ ക്യാപ്റ്റൻ വി എ മനോജ് കുമാർ, വൈസ് ക്യാപ്റ്റൻ ആർ എൽ ശ്രീലാൽ, മാനേജർ കെ സി പ്രേമരാജൻ, കെ പി ജോർജ്, ടി ജി ശങ്കരനാരായണൻ, സി ഡി സിജിത്ത്, ടി വി വിജേഷ് എന്നിവർ സംസാരിച്ചു. ഠാണാവിൽ സമാപന സമ്മേളനം ജില്ലക്കമ്മിറ്റി അംഗം എം രാജേഷ് ഉദ്ഘാടനം ചെയ്തു. ലോക്കൽ സെക്രട്ടറി എം വി വിത്സൻ അധ്യക്ഷനായി. വി എ മനോജ് കുമാർ, ആർഎൽ ശ്രീലാൽ എന്നിവർ പ്രസംഗിച്ചു. എ വി ഷൈൻ സ്വാഗതവും മീനാക്ഷി ജോഷി നന്ദിയും പറഞ്ഞു.