ശാന്തിനികേതനിൽ സമ്മർ സ്പോർട്സ് ക്യാമ്പ് ആരംഭിച്ചു

ഇരിങ്ങാലക്കുട : ശാന്തിനികേതൻ പബ്ലിക് സ്‌കൂളിൽ വിദ്യാർത്ഥികളിൽ കായികക്ഷമത വളർത്തുന്നതിനും , വിവിധ കായിക ഇനങ്ങളിൽ പ്രാവീണ്യം നേടുന്നതിനും, ഒരു മാസം നീണ്ടു നിൽക്കുന്ന വേനൽക്കാല ക്യാമ്പിന് തുടക്കമായി. ക്രൈസ്റ്റ് കോളേജ് അസിസ്റ്റൻ്റ് ഡോ. സഞ്ജയ് കുമാർ ഉദ്ഘാടനം നിർവ്വഹിച്ചു.

SNPS ജോ. സെക്രട്ടറി കെ. കെ. സജിതൻ , SMC ചെയർമാൻ പി.എസ് . സുരേന്ദ്രൻ , പ്രിൻസിപ്പാൾ ഹരീഷ് മേനോൻ എന്നിവർ സംസാരിച്ചു. ബാസ്കറ്റ് ബോൾ , ജൂഡോ , ഫുട്ബോൾ , ഷട്ടിൽ ബാറ്റ് എന്നീ ഇനങ്ങളിൽ ജോഷി ജോസഫ് , അലക്സിൻ . സി. ഷാജി സനിത്ത് , ഹിമ എന്നീ കോച്ചുകൾ പരിശീലനം നൽകും. ക്യാമ്പ് കോ-ഓർഡിനേറ്റർ പി. ശോഭ സ്വാഗതവും , വൈസ് പ്രിൻസിപ്പാൾ ഗീത രവീന്ദ്രൻ നന്ദിയും രേഖപ്പെടുത്തി. Summer sports camp begins at Santiniketan Public School