ഭാരതീയ വിദ്യാഭവനിൽ എൻ.എസ്.എസ് പ്രവർത്തനോദ്ഘാടനവും ഏകപാത്ര നാടകാവതരണവും നടന്നു

ഇരിങ്ങാലക്കുട : ഭാരതീയ വിദ്യാഭവനിൽ ഈ വർഷത്തെ എൻ.എസ്.എസ് പ്രവർത്തനങ്ങൾക്ക് തുടക്കമായി. സ്കൂൾ ഓഡിറ്റോറിയത്തിൽ നടന്ന ചടങ്ങിൽ ഇരിങ്ങാലക്കുട ക്രൈസ്റ്റ് കോളേജിലെ എൻഎസ്എസ് പ്രോഗ്രാം ഓഫീസറും ചരിത്രവിഭാഗം അസിസ്റ്റന്റ് പ്രൊഫസറു മായ ജിൻസി എസ് ആർ മുഖ്യാതിഥിയായിരുന്നു

ഉദ്ഘാടന ചടങ്ങിനോടനുബന്ധിച്ച് തൃശ്ശൂർ രംഗചേതന, വിമുക്തി ക്ലബ്ബ്, സ്കൂൾ സുരക്ഷ സെൽ എന്നിവയുടെ സംയുക്താഭിമുഖ്യത്തിൽ കെ വി ഗണേഷ് അവതരിപ്പിച്ച ഏകപാത്ര നാടകാവതരണം ഏറെ ശ്രദ്ധേയമായി. ലഹരി എന്ന വിപത്തിനെക്കുറിച്ച് വിദ്യാർഥികളിൽ അവബോധം ജനിപ്പിക്കാൻ ‘ജീവിതം ലഹരി’ എന്ന നാടകത്തിന് കഴിഞ്ഞു.

എക്സൈസ് ഡിപ്പാർട്മെന്റ് ഉദ്യോഗസ്ഥനായ ജിതിൻ ചെയർമാൻ അപ്പുക്കുട്ടൻ നായർ, സെക്രട്ടറി വി രാജൻ മേനോൻ, മാനേജ്മെന്റ് കമ്മിറ്റി അംഗം ശോഭ ശിവാനന്ദരാജൻ, പ്രിൻസിപ്പൽ ബിജു ഗീവർഗീസ് വൈസ് പ്രിൻസിപ്പൽ സുജാത രാമനാഥൻ, ചിത്രകലാ അധ്യാപകനും എൻഎസ്എസ് പ്രോഗ്രാം ഓഫീസറുമായ എ ഡി സജു, പിടിഎ പ്രസിഡന്റ് റാണി പ്രദീപ് കുമാർ എന്നിവർ സന്നിഹിതരായിരുന്നു. എൻഎസ്എസ് കോഡിനേറ്റർമാരായ അനിത ജിനപാൽ, സറീന, രാജി എന്നിവർ പരിപാടികൾ ഏകോപിപ്പിച്ചു.