കാറളം വൊക്കേഷണൽ ഹയർ സെക്കന്ററി സ്കൂളിൽ ‘സ്‌കിൽ എക്സ്പോ 2025’ സംഘടിപ്പിച്ചു

കാറളം : കാറളം വൊക്കേഷണൽ ഹയർ സെക്കന്ററി സ്കൂൾ – വൊക്കേഷണൽ വിഭാഗത്തിന്റെ നേതൃത്വത്തിൽ വിദ്യാർഥികൾ ‘സ്‌കിൽ എക്സ്പോ 2025’ സംഘടിപ്പിച്ചു. സ്കൂൾ മാനേജർ സുധ ഭരതൻ എക്സ്പോ ഉദ്‌ഘാടനം ചെയ്തു.

പരിപാടിയിൽ പി.ടി.എ പ്രതിനിധികളും നാട്ടുകാരും സജീവപങ്കാളിത്തം കാഴ്ചവച്ചു. .വൊക്കേഷണൽ വിദ്യാഭ്യാസത്തിന്റെ ഭാഗമായി തങ്ങൾ പഠിക്കുന്ന തൊഴിൽ മേഖലയുമായി ബന്ധപ്പെടുത്തി 4 എക്സിബിഷൻ സ്റ്റാളുകളിലായി വിദ്യാർഥികൾ സൗജന്യ സേവനങ്ങൾ നാട്ടുകാർക്കായി ഒരുക്കിയിരുന്നു.

ABHA, E-ശ്രം മുതലായ സൗജന്യ ഇ -സേവനങ്ങൾ, ac, ഫ്രിഡ്ജ് എന്നിവ കൃത്യമായി ഉപയോഗിച്ച് എങ്ങിനെ വൈദ്യുതി ഉപയോഗം വരുതിയിലാക്കാം , എഞ്ചിനീയറിംഗ് മേഖലയിലെ പുതിയ സാധ്യതകൾ പരിചയപ്പെടുത്തൽ , ജൈവ കീടനാശിനികൾ , വിത്തുകൾ , ഫലവൃക്ഷ തൈകൾ എന്നിവയുടെ സൗജന്യ വിതരണം ,സൗജന്യ ജീവിതശൈലി രോഗ നിർണയ ക്യാമ്പ് ,ജൈവ കൃഷി രീതി പരിചയപ്പെടുത്തൽ , ആരോഗ്യകരമായ ഭക്ഷണ ശീലങ്ങൾ , കൃത്യമായ ആന്റിബയോട്ടിക് ഉപായികരീതികൾ മുതലായ സേവനങ്ങൾ വിദ്യാർത്ഥികൾ സ്കൂളിൽ ഒരുക്കിയിരുന്നു.

എൻ.എസ്.എസ് യൂണിറ്റിന്റെ നേതൃത്വത്തിൽ ഒരുക്കിയ ഭക്ഷണ ശാല പരിപാടിയുടെ ഭാഗമായിരുന്നു. ഉച്ചക്ക് ശേഷം വിദ്യാർഥികൾ അധ്യാപകരുടെ നേതൃത്വത്തിൽ സൗജന്യ സേവനങ്ങളുമായി എൺപതോളം വീടുകളും സന്ദർശിച്ചു.