പൂമംഗലം ഗ്രാമപഞ്ചായത്ത്‌ “ഞാറ്റുവേല ചന്തയും കർഷക സഭയും” ജൂലൈ 2, 3 തിയതികളിൽ എടക്കുളം ചെമ്പഴന്തി ഹാളിൽ

എടക്കുളം : പൂമംഗലം ഗ്രാമപഞ്ചായത്തിൽ ഈ വർഷത്തെ “ഞാറ്റുവേല ചന്തയും കർഷക സഭയും” ഗ്രാമപഞ്ചായത്ത്, കൃഷിഭവൻ, കാർഷിക വികസന സമിതി, സഹകരണ ബാങ്ക്, പാടശേഖര സമിതി, കർഷകർ എന്നിവരുടെ സംയുക്താഭിമുഖ്യത്തിൽ ജൂലൈ 2, 3 തിയതികളിൽ എടക്കുളം ചെമ്പഴന്തി ഹാളിൽ നടക്കും.

ജൂലൈ 2 രാവിലെ 9. 30 ന് പൂമംഗലം ഗ്രാമപഞ്ചായത്ത് പ്രസിഡൻറ് കെ.എസ്. തമ്പിയുടെ അധ്യക്ഷതയിൽ കൂടുന്ന യോഗത്തിൽ ജില്ലാ പഞ്ചായത്ത് വൈസ് പ്രസിഡൻറ് ലത ചന്ദ്രൻ ഉദ്‌ഘാടനം നിർവഹിക്കും. വെള്ളാങ്ങല്ലുർ ബ്ലോക്ക് പഞ്ചായത്ത് പ്രസിഡൻറ് സുധ ദിലീപ് മുഖ്യാതിഥിയായിരിക്കും.