ശതാനീക് പരമേശ്വരന് സി.സി.ആർ.ടി സ്കോളർഷിപ്പ്

ഇരിങ്ങാലക്കുട : കേന്ദ്ര സാംസ്കാരിക വകുപ്പിന്റെ കീഴിലുളള സി.സി.ആർ.ടി യുടെ കൂടിയാട്ടം പരിശീലത്തിനുളള 2025 -2026 കൊല്ലത്തെ കൾച്ചറൽ ടാലന്റ് സേർച്ച് സ്കോളർഷിപ്പിന് ശതനീക് പരമേശ്വരൻ അർഹനായി.

പാരമ്പര്യ ഗുരുകുലസമ്പ്രദായത്തിൽ കൂടിയാട്ട ആചാര്യൻ അമ്മന്നൂർ കുട്ടൻ ചാക്യാരുടെ കീഴിൽ കൂടിയാട്ടം അഭ്യസിയ്ക്കുവാനാണ് ഈ സ്കോളർഷിപ്പ് സഹായകരമാകുന്നത്.

ഇരിങ്ങാലക്കുട നാഷണൽ ഹയർ സെക്കന്ററി സ്കൂളിൽ 7ആം ക്ലാസ് വിദ്യാർത്ഥിയായ ശതാനീക് കൂടിയാട്ട കലാകാരന്മാരായ ഡോ. അമ്മന്നൂർ രജനീഷ് ചാക്യാരുടേയും ഡോ. ഭദ്ര പികെഎം ന്റെയും പുത്രനാണ്.